வீட்டில் பதுக்கி வைத்து கஞ்சா, கள்ளச்சாராயம் விற்பனை - இரண்டு பெண் உட்பட 4 பேர் கைது
திருவண்ணாமலையில், கஞ்சா மற்றும் கள்ளச்சாராய விற்பனையில் ஈடுபட்ட இரண்டு பெண் உட்பட 4 பேரை போலீசார் கைது செய்தனர்.
திருவண்ணாமலையில், கஞ்சா மற்றும் கள்ளச்சாராய விற்பனையில் ஈடுபட்ட இரண்டு பெண் உட்பட 4 பேரை போலீசார் கைது செய்தனர். திருவண்ணாமலையில் கஞ்சா விற்பனை நடைபெறுவதாக எழுந்த புகாரின் அடிப்படையில் பழைய கார்க்கானா பகுதியில் அதிகாரிகள் சோதனை மேற்கொண்டனர். அப்போது, வீட்டில் வைத்து கஞ்சா விற்பனை நடைபெறுவதை போலீசார் கண்டுபிடித்தனர். உடனடியாக போலீசார், இரண்டு பெண்கள் உட்பட 4 பேரை கைது செய்து , 6 கிலோ கஞ்சா , கள்ளச்சாராய கேன்களை பறிமுதல் செய்தனர். மேலும் தலைமறைவாக உள்ள 3 பேரை போலீசார் வலைவீசி தேடி வருகின்றனர்.