2 வயது பெண் குழந்தை கடத்தல், சென்னை சென்ட்ரல் ரயில் நிலையத்தில் பரபரப்பு

அசாம் மாநிலத்தைச் சேர்ந்த பெண் மர்சீனா, தனது இரண்டு பெண் குழந்தைகளுடன் சென்னை சென்ட்ரல் ரயில் நிலையத்தில் வசித்து வந்துள்ளார். அப்போது அமீது என்பவருடன்  மர்சீனாவுக்கு பழக்கம் ஏற்பட்டுள்ளது. இந்நிலையில், நேற்றிரவு 10வது நடைமேடையில், மர்சீனா, அமீது மற்றும் 2 குழந்தைகள் தூங்கி கொண்டிருந்தனர். காலையில் எழுந்து மர்சீனா பார்த்த போது  தனது 2 வயது குழந்தை காணாததை கண்டு அதிர்ச்சி அடைந்தார். இதனையடுத்து, மர்சினா அளித்த புகாரை அடுத்து , ரயில்வே போலீசார் சி.சி.டி.வி. கேமிராவில் பதிவான காட்சியை கொண்டு விசாரித்து வருகின்றனர். அதில், அமிதின் நண்பர் ஒருவர் குழந்தையை கடத்திச் சென்றது  தெரியவந்தது. இது குறித்து போலீசார் விசாரணை செய்து வருகின்றனர்.