அரியலூர்: யாருக்கு வாக்களிப்பது? - அம்மனிடம் அருள்வாக்கு கேட்ட வாக்காளர்
அரியலூர் மாவட்டம் திருமானூர் அருகே வேட்பாளர்கள் கொடுத்த பரிசு பொருட்களால் குழப்பம் அடைந்த வாக்காளர் வாக்களிப்பது குறித்து அம்மனிடம் அருள்வாக்கு கேட்ட நிகழ்வு அரங்கேறியுள்ளது.
கீழகாவட்டாங்குறிச்சி ஊராட்சியில் தலைவர் மற்றும் வார்டு உறுப்பினர்கள் பதவிக்கு போட்டியிடும் வேட்பாளர்கள், விளக்கு, தட்டு சீப்பு உள்ளிட்ட பரிசு பொருட்களை வாக்காளர்களுக்கு விநியோகம் செய்துள்ளனர். இதனால் குழப்பம் அடைந்த தையல் தொழிலாளர் பச்சமுத்து, பரிசுபொருட்களை அம்மன் கோயிலுக்கு எடுத்து சென்றார். அங்கு விளக்கு ஏற்றி, வைத்த பச்சமுத்து, பரிசு பொருள் கொடுத்த வேட்பாளர்களுக்கு வாக்களிப்பதா, அல்லது நல்ல வேட்பாளர்களுக்கு வாக்களிப்பதா என அம்மனை வேண்டி அருள்வாக்கு கேட்டார். இந்த சம்பவம், கீழகாவட்டாங்குறிச்சி ஊராட்சி மக்கள் இடையே சலசலப்பை ஏற்படுத்தியுள்ளது.