ஊரக உள்ளாட்சி தேர்தல் - நாளை வாக்குப் பதிவு -பாதுகாப்பு பணிகள் தீவிரம்

தமிழ்நாட்டில் ஊரக உள்ளாட்சி அமைப்புகளுக்கு நாளை மற்றும் 30-ந் தேதிகளில் இரண்டு கட்டங்களாக தேர்தல் நடைபெற உள்ளது. சென்னை உள்பட 10 மாவட்டங்கள் தவிர்த்து 27 மாவட்டங்களில் மட்டும்  இந்த தேர்தல் நடத்தப்படுகிறது. முதல் கட்டமாக 91 ஆயிரம் ஊரக - உள்ளாட்சி பதவி இடங்களுக்கு நாளை 27-ந்தேதி தேர்தல் நடைபெற உள்ளது.  இதற்காக தாலுகா காவல்துறையினர் 33 ஆயிரத்து 920 பேரும், ஆயுதப்படை காவலர்கள் 9 ஆயிரத்து 959 பேரும்,  தமிழ்நாடு சிறப்பு காவலர்கள் 4 ஆயிரத்து 700 பேர் என மொத்தம் 48 ஆயிரத்து 579 போலீசார், தேர்தல் பாதுகாப்பு பணியில் ஈடுபட உள்ளனர். அதேபோன்று,  காவலர்கள் அல்லாத 14 ஆயிரத்து 500 பேரும் தேர்தல் பாதுகாப்பு பணியில் ஈடுபட உள்ளதாக, தமிழக காவல் துறை அறிவித்துள்ளது.