தமிழகத்தில் 6 கோடியை தாண்டிய வாக்காளர் எண்ணிக்கை

தமிழகத்தில் நடைபெற உள்ள உள்ளாட்சி தேர்தலுக்கான வாக்காளர் பட்டியல் கடந்த ஜுன் மாதம் 6 ஆம் தேதி வெளியிடப்பட்டது. அதனைத் தொடர்ந்து வாக்காளர் பட்டியலில் பெயர் சேர்ப்பு தொடர்பாக கடந்த 6 ஆம் தேதி வரை விண்ணப்பங்கள் பெறப்பட்டன. அவற்றில் தகுதியுள்ள விண்ணப்பங்கள் ஏற்கப்பட்டு, புதிய பெயர்கள் சேர்க்கப்பட்டு தயாரிக்கப்பட்டுள்ள துணை வாக்காளர் பட்டியலை தமிழக தலைமைத் தேர்தல் அதிகாரி சத்யபிரதா சாஹூ இன்று வெளியிட்டுள்ளார். துணை வாக்காளர் பட்டியலின் அடிப்படையில் 2 கோடியே 96 லட்சத்து 46 ஆயிரத்து 257 ஆண்களும், 3 கோடியே 3 லட்சத்து 49 ஆயிரத்து 118 பெண்களும் உள்ளனர். மூன்றாம் பாலினமாக 5 ஆயிரத்து 924 பேரும் மொத்தமாக தமிழகத்தில் 6 கோடியே ஆயிரத்து 329 வாக்காளர்கள் இருப்பதாக கூறப்பட்டுள்ளது. கடந்த ஜூன் மாதத்திலிருந்து தற்போது வரை மட்டும் ஒரு லட்சத்து 31 ஆயிரத்து 571 பேர் புதிய வாக்காளர்களாக இடம் பெற்றுள்ளனர்..