அரக்கோணம்: தண்டவாளத்தில் விரிசல் என ரயில் ஓட்டுனர் தகவல்

ராணிப்பேட்டை மாவட்டம் அரக்கோணம் அடுத்த சித்தேரியில் தண்டவாளத்தில் ஏற்பட்ட விரிசலால் பரபரப்பு ஏற்பட்டது. உடனடியாக அந்த மார்க்கத்தில் இயக்கப்படும் ரயில்கள் நிறுத்தப்பட்டன. சென்னையில் இருந்து 79வது கிலோ மீட்டரில் விரிசல்  ஏற்பட்டுள்ளதாக ரயில் ஓட்டுனர் அளித்த தகவலின்படி ஆய்வு செய்த அதிகாரிகள் தண்டவாள விரிசலை விரைந்து சரிசெய்தனர். இதனால் அந்த வழியாக சென்னை செல்லும் சேரன், காவேரி ரயில்கள் நடுவழியில் நிறுத்தப்பட்டன. தண்டவாளத்தை சீரமைத்த பின்னர்  அவை புறப்பட்டன. ரயில் ஓட்டுநர் மற்றும் அதிகாரிகளின் செயலால் பெரும் அசம்பாவிதம் தவிர்க்கப்பட்டதாக பாராட்டு தெரிவிக்கப்பட்டது.