மாமல்லபுரத்திற்கு நீர் மூழ்கி கப்பல் உட்பட 3 கப்பல் வருகை

பிரதமர் மோடி- சீன அதிபர் வருவதையொட்டி, காவல்துறை வளையத்திற்குள் மாமல்லபுரம் கொண்டு வரப்பட்டு உள்ளது. கடல் வழியாக யாரும் நுழைய முடியாத வகையில், பாதுகாப்பு பலப்படுத்தப்பட்டுள்ளது.  கடலோர பாதுகாப்பு படைக்கு சொந்தமான  2 கப்பல்கள் மற்றும்  நீர் மூழ்கி கப்பல் மாமல்லபுரம் கடற்பகுதியில் முகாமிட்டுள்ளன. கடற்கரை கோயிலுக்கு கிழக்கே ஒரு மைல் தொலைவில் ஆயுதம் தாங்கிய 2 கப்பல் மற்றும்  நீர் மூழ்கி கப்பல், நங்கூரமிட்டு  நிறுத்தி வைக்கப்பட்டுள்ளன. சந்தேகத்திற்கு இடமான  நபர்கள், திபெத்தியர்கள் என யாராவது படகு மூலம் ஊடுருவாமல் தடுக்க  அதி நவீன ரேடார் மூலம் கடலோர பாதுகாப்பு படையினர் தீவிர கண்காணிப்பு பணியில் ஈடுபட்டு வருகின்றனர்.