குலசையில் சூரசம்ஹார விழா கோலாகலம் : சிம்ம வாகனத்தில் அருள்பாலித்த முத்தாரம்மன்

குலசேகரன்பட்டினம்  முத்தாரம்மன் கோவிலில் தசரா திருவிழா  கடந்த மாதம் 29ஆம் தேதி கொடியேற்றத்துடன் தொடங்கியது. 10ஆம் திருவிழாவான நேற்று முக்கிய நிகழ்வான சூரசம்கார நிகழ்ச்சி  கோலாகலமாக நடைபெற்றது. சிம்ம வாகனத்தில்  எழுந்தருளி பக்தர்களுக்கு அருள்பாலித்த முத்தாரம்மன் சிதம்பரேஸ்வரர் கடற்கரையில் சூரனை வதம் செய்தார். இதில் லட்சக்கணக்கான பக்தர்கள் பங்கேற்று சுவாமி தரிசனம் செய்தனர்.