17 வயது சிறுமியை கர்ப்பமாக்கிய இளைஞர் போக்சோ சட்டத்தில் கைது

சென்னை புதுவண்ணாரப்பேட்டையில் 17 வயது சிறுமியை பாலியல் வன்கொடுமை செய்து, கர்ப்பமாக்கிய இளைஞர் போக்சோ சட்டத்தில் கைதுசெய்யப்பட்டார். செரியன் நகரில் குளிர்பான கடை நடத்தி வரும் அகமது பாஷாவிடம்,  முகமது அலி என்பவர் பணிபுரிந்து வருகிறார்.  இதனிடையே அகமது பாஷாவின் 17 வயது மகளிடம் ஆசை வார்த்தை கூறி, முகமது அலி பாலியல் தொல்லை அளித்ததாக கூறப்படுகிறது.  சிறுமிக்கு உடல்நலக்குறைவு ஏற்பட்டதை தொடர்ந்து, மருத்துவ பரிசோதனையில் அவர் 7 மாத கர்ப்பமாக இருப்பது தெரியவந்தது. இதனையடுத்து, சிறுமி அளித்த தகவலின் பேரில், முகமது அலியை போக்சோ சட்டத்தின் கீழ் போலீசார் கைதுசெய்து சிறையில் அடைத்தனர்.