மணல் கொள்ளையை தடுக்க சென்ற போலீசார் : போலீசார் மீது டிப்பர் லாரி ஏற்றி கொலை முயற்சி

ராமநாதபுரம் மாவட்டம் கமுதி அருகே குண்டாற்றில் இரவு நேரங்களில் மணல் கொள்ளை நடைபெறுவதாக போலீசாருக்கு தகவல் கிடைத்தது. இதன் அடிப்படையில், தலைமை காவலர் ராமநாதன் தலைமையிலான 3 போலீசார் 

சம்பவ இடத்திற்கு சென்றனர். டிப்பர் லாரியில் மணல் அள்ளிக் கொண்டிருந்த கும்பல் அவர்களை கண்டதும் அங்கிருந்து தப்ப முயன்றது. அப்போது அவர்களை தடுக்க  தங்களது இருசக்கர வாகனத்தை வைத்து போலீசார் வழிமறித்துள்ளனர். ஆனால் கொள்ளையர்கள் போலீசாரின் வாகனத்தின் மீது டிப்பர் லாரியை ஏற்றி சென்றுவிட்டு, சிறிது தூரம் சென்றதும் லாரியை நிறுத்திவிட்டு தப்பிச் சென்றனர். இதில் காயமடைந்த தலைமை காவலர் ராமநாதன் மருத்துவமனையில் அனுமதிக்கப்பட்டுள்ளார். லாரி பறிமுதல் செய்யப்பட்டுள்ள நிலையில், தப்பியோடிய கொள்ளையர்களை போலீசார் தேடி வருகின்றனர்.