1000 பள்ளி மாணவர்களுக்கு இலவச குடை : சொந்த பணத்தில் வாங்கி கொடுக்கும் பள்ளி ஆசிரியை

நாகை மாவட்டம் கருப்பம்புலம் கிராமத்தில் ஆயிரம் பள்ளி மாணவர்களுக்கு, தன் சொந்த பணத்தில் குடை வழங்க அரசு பள்ளி ஆசிரியை திட்டமிட்டுள்ளார். இதே கிராமத்தை சேர்ந்த வசந்தா என்ற ஆசிரியை, மழையால் பள்ளி மாணவர்களின் உடல்நிலை பாதிக்கப்படுவதை தடுக்கும் நோக்கத்துடன் இந்த உதவி புரிந்து வருகிறார். இதற்காக ஒரு லட்ச ரூபாய்க்கு அவர் குடைகள் வாங்கியுள்ளார். நாடிமுத்து தொடக்க பள்ளி மாணவ மாணவியர் 70 க்கும் மேற்பட்டோருக்கு குடை வழங்கி வசந்தா, நாளை 20 க்கும் மேற்பட்ட அரசு பள்ளிகளை சேர்ந்த ஆயிரத்திற்கும் மேற்பட்ட மாணவ மாணவியருக்கு குடைகள் வழங்கவுள்ளார்.இவரின் இந்த முயற்சியை பொதுமக்கள் மற்றும் பெற்றோர் வெகுவாக பாராட்டி வருகின்றனர்.