மேல்நிலை நீர்தேக்க தொட்டி அமைக்க ஒரு குடும்பத்தினர் எதிர்ப்பு : குடும்பத்தினர் இடையே வாக்குவாதம், மோதல்

கடலூர் அடுத்த தூக்கணாம்பாக்கம் ராசாபாளையத்தில் முன்பு இருந்த மேல்நிலை நீர் தேக்க தொட்டி இடிக்கப்பட்டு புதிய தொட்டி கட்டப்படாத நிலையில் அந்த இடத்தில் ஒரு குடும்பத்தினர் வசித்து வந்தனர். இந்த நிலையில் அங்கு புதிதாக மேல்நிலை தண்ணீர் தொட்டி கட்ட அந்த குடும்பத்தினர் எதிர்ப்பு தெரிவித்ததை தொடர்ந்து, அந்த இடத்தை அளவிட அதிகாரிகள் வந்திருந்தனர். அப்போது அங்கு திரண்ட ஊர் மக்களுக்கும், அந்த குடும்பத்தினருக்கும் இடையே வாக்குவாதம் ஏற்பட்டு மோதலாக மாறியது. இதைத்தொடர்ந்து  போலீசார் அனைவரையும் அங்கிருந்து கலைந்து செல்லுமாறு உத்தரவிட்டனர். எனினும், அந்த இடத்தை அதிகாரிகள் அளவீடு செய்யும் வரை செல்ல மாட்டோம் என்று மக்கள், போராட்டத்தில் ஈடுபட்டதால் பரபரப்பு ஏற்பட்டது.