குடியிருப்புக்குள் புகுந்த 6 அடி நீள நாகப்பாம்பு : ஒரு மணி நேரம் போராடி பிடித்த தீயணைப்புத் துறையினர்

வேலூர் மாவட்டம் குடியாத்தத்தில், குடியிருப்புக்குள் புகுந்த சுமார் 6 அடி நீளமுள்ள நாகப்பாம்பை, தீயணைப்புத்துறையினர் ஒரு மணி நேரம் போராடி பிடித்தனர். கோதண்டராமன் என்பவரது வீட்டில் பாம்பு நுழைந்து இருப்பதாக வந்த தகவலின் அடிப்படையில், சம்பவ இடத்திற்கு தீயணைப்புத்துறையினர் விரைந்து சென்றனர்.  இதை அடுத்து, வீட்டுக்குள் பதுங்கி இருந்த 6 அடி நீளமுள்ள கொடிய விஷம் கொண்ட நாகப்பாம்பை ஒரு மணி நேரம் போராடி பிடித்து, வனத்துறையினரிடம் ஒப்படைத்தனர்.