வாட்டி வதைக்கும் வறுமை : தாயின் உடலை குப்பைத் தொட்டியில் வீசிய இளைஞர்...

தூத்துக்குடி தனசேகரன் நகரில் வழக்கம் போல் குப்பைகளை எடுக்கச் சென்ற நகராட்சி ஊழியர்கள், குப்பைத் தொட்டியில் பெண்ணின் உடல் இருப்பதைக் கண்டு அதிர்ச்சி அடைந்தனர். இதுகுறித்த தகவலின் பேரில் வந்த போலீசார், உடலைக் கைப்பற்றி உடற்கூராய்வுக்கு அனுப்பி வைத்தனர். கொலையா, தற்கொலையா, வேறு ஏதேனும் காரணமா என நடத்திய விசாரணையில், அந்த பெண்ணின் பெயர் வசந்தி என்பதும் உடல் நிலை பாதிக்கப்பட்டு இறந்ததும் தெரியவந்தது. மேலும், அவரது மகன் முத்துலெட்சுமணனிடம் நடத்திய விசாரணையில், இறுதிச் சடங்கு செய்ய பணம் இல்லாததால், குப்பைத் தொட்டியில் தாயின் உடலை வீசியதாக கூறியது பெரும் சோகத்தையும், அதிர்ச்சியையும் ஏற்படுத்தியது. வறுமையின் கோரப்பிடி, தாயின் உடலை அடக்கம் செய்ய முடியாத அளவுக்கு வதைத்தது பெரும் சோகத்தை ஏற்படுத்தியுள்ளது.