அருப்புக்கோட்டை அருகே பணத்தகராறில் பெண் அடித்துக் கொலை

அருப்புக்கோட்டை அருகே பணத் தகராறில் பெண்ணை கொலை செய்துவிட்டு நாடகமாடிய பக்கத்து வீட்டுக்காரரை போலீசார் கைது செய்தனர். ஆத்திபட்டி கட்டக்கஞ்சம்பட்டி பகுதியை சேர்ந்த திருமுருகன் என்பவரது, மனைவி அங்காள பரமேஸ்வரி. இவர் நேற்று வீட்டில் மர்மமான முறையில் உயிரிழந்த நிலையில் கிடந்தார். சம்பவம் குறித்து வழக்குப்பதிந்து, போலீசார் விசாரணை மேற்கொண்ட நிலையில், அங்காள பரமேஸ்வரியை, பணத் தகராறில் அவரது பக்கத்துவீட்டில் வசித்து வரும் அடைக்கலம் என்பவர் அடித்துக் கொலை செய்தது தெரியவந்தது. இதனை அடுத்து அடைக்கலத்தை கைது செய்து போலீசார் விசாரணை மேற்கொண்டு வருகின்றனர்.