குடியிருப்புக்குள் புகுந்து யானைகள் அட்டகாசம்

நீலகிரி மாவட்டம் மஞ்சூர் குடியிருப்பு பகுதிக்குள் புகுந்த காட்டுயானைகள், அங்கிருந்த வாழைமரங்களை சேதப்படுத்தின. உணவு தேடி வந்த யானைகள் வீட்டின் சுற்றுச்சுவரை உடைத்து நாசமாக்கின. யானைகளை பார்த்த அச்சத்தில் வீட்டிற்குள் முடங்கிய குடியிருப்புவாசிகள், வனத்துறைக்கு தகவல் தெரிவித்தனர். விரைந்து அங்கு வந்த வனத்துறையினர், பட்டாசுகள் வெடித்து யானைகளை அடர்ந்த காட்டு பகுதிக்குள் விரட்டும் பணியில் ஈடுபட்டுள்ளனர்.