சத்தியமங்கலத்தில் இளைஞர் அடித்துக் கொலை -கொலையாளிகளை பிடிக்க தனிப்ப​டை அமைப்பு

சத்தியமங்கலம். மேட்டூர் கிராமத்தைச் சேர்ந்த  ஜெகதீஸ்வரன், சத்தியமங்கலம் - கோவை தேசிய நெடுஞ்சாலையில் உள்ள  அம்மன் மோட்டார்ஸ் என்ற லாரி பட்டறையில்  உதவியாளராக  வேலை செய்து வந்துள்ளார்.  இரவில் வீட்டிற்கு செல்லாமல் ட்டறையிலேயே ஜெகதீஸ்வரன்  தங்குவது  வழக்கம்.   இந்நிலையில், காலை  பட்டறை அருகே சாலையோரத்தில் ஜெகதீஸ்வரன் இறந்து கிடப்பதை கண்ட அப்பகுதி மக்கள் போலீசாருக்கு தகவல் தெரிவித்துள்ளனர்.   இதனிடையே ஜெகதீஸ்வரனின் பெற்றோர் மற்றும் உறவினர்கள் 100 -க்கும் மேற்பட்டோர் சம்பவ இடத்திற்கு சென்று ஜெகதீஸ்வரன் உடலை பார்த்து கதறியழுதனர். சம்பவ இடத்திற்கு போலீசார் தாமதமாக வந்ததால் ஆத்திரமடைந்த உறவினர்கள்  சாலை மறியலில் ஈடுபட்டனர். ஜெகதீஸ்வரன் மர்ம உறுப்பு சிதைக்கப்பட்ட நிலையில், அவரது உடலை​க் கைப்பற்றி உடற்கூறு ஆய்வுக்காக போலீசார் அனுப்பி வைத்தனர்.மதுபோதையில்  ஏற்பட்ட தகராறில் ஜெகதீஸ்வரன் அடித்து கொலை செய்யப்பட்டதாக கூறப்படும் நிலையில்,  பட்ட​றை உரிமையாளர்  நடராஜ் , காவலாளி சின்னத்தம்பி  ஆகிய இருவரிடமும்  போலீசார் பிடித்து விசாரணை செய்து வருகின்றனர். இதனிடையே  கொலையாளிகளை பிடிக்க சத்தியமங்கலம் டிஎஸ்பி (பொறுப்பு) கிருஷ்ணசாமி தலைமையில் தனிப்படை அமைக்கப்பட்டுள்ளது.