அத்திவர‌தர் தரிசனத்தில் துர்கா ஸ்டாலின்

தி.மு.க. தலைவர் ஸ்டாலினின் மனைவி துர்கா, காஞ்சி வரதராஜபெருமாள் கோவிலில், அத்திவரத‌ர் தரிசனத்தில் பங்கேற்றார். 40 ஆண்டுகளுக்கு ஒருமுறை நடைபெறும் இந்த அத்தி வர‌தர் உற்சவத்தில், தமிழகம் மட்டுமல்லாது பல மாநிலங்களை சேர்ந்த பக்தர்களும் பங்கேற்று வருகின்றனர். 8ஆம் நாள், திருவிழாவில் தி.மு.க. தலைவர் ஸ்டாலின் மனைவி துர்கா, நெருங்கிய உறவினர்களுடன் பங்கேற்றார். வசந்த மண்டபத்திற்கு சென்ற துர்கா ஸ்டாலின், அத்தி வர‌த‌ர் சுவாமிக்கு பச்சைப் பட்டாடை, பிரம்மாண்ட மலர் மாலை அணிவித்து தரிசனம் செய்தார்.