புதிதாக கட்டிய கட்டிடம் இடிந்து விழுந்து விபத்து : 5 பேர் மீட்பு - ஒருவர் உயிரிழப்பு

மதுரை திருமங்கலம் தொகுதிக்குட்பட்ட செக்கானூரணி பகுதியில் மாதவன் என்பவருக்கு சொந்தமான இடத்தில் அடுக்குமாடி வீடுகள் கட்டப்பட்டு வந்தது. இந்நிலையில் மாலை 5 மணியளவில் திடிரென கட்டிடம் சரி்ந்து விழுந்ததில் உள்ளே பணிபுரிந்த 8 தொழிலாளர்களும் இடிபாடுகளுக்குள் சிக்கி கொண்டனர். தகவலறிந்து சம்பவ இடத்திற்கு விரைந்து வந்த தீயணைப்பு துறையினர், மீட்பு பணியில் ஈடுபட்டனர். இந்த விபத்தில் ஒரு கூலி தொழிலாளி உயிரிழந்தார். 5 பேர் படுகாயங்களுடன் மீட்கப்பட்டு அருகில் உள்ள மருத்துவமனையில் சிகிச்சைக்காக சேர்க்கப்பட்டுள்ளனர். மேலும் இரண்டு தொழிலாளர்களை தேடும் பணி தீவிரமாக நடைபெற்று வருகிறது. மாவட்ட ஆட்சியர் ராஜசேகர், மாவட்ட காவல்துறை கண்காணிப்பாளர் மணிவண்ணன் ஆகியோர் மீட்பு பணிகளை பார்வையிட்டு வருகின்றனர்.