பெண்கள் விடுதிக்குள் நுழைந்த நபர் கைது : பெண்களே மடக்கி பிடித்து ஒப்படைத்தனர்

சென்னை அடையாறு கிரீன்வேஸ் பகுதியில் நர்சிங் வேலை பார்த்து வருபவர்களுக்கென தனியார் விடுதி ஒன்று செயல்பட்டு வருகிறது. நள்ளிரவில் அடையாளம் தெரியாத நபர் ஒருவர் விடுதிக்குள் நுழைந்த சத்தம் கேட்டு விடுதிக்குள் இருந்தவர்கள் அந்த நபரை மடக்கி பிடித்து அபிராமபுரம் காவல் நிலையத்தில் ஒப்படைத்தனர். அந்த நபர் 80 ஆயிரம் ரூபாய் பணத்தை திருடியதாக போலீசில் புகார் அளிக்கப்பட்டது. போலீசார் நடத்திய விசாரணையில், அந்த இளைஞர் மந்தைவெளியைச் சேர்ந்த சரத் என்பது தெரிய வந்தது. விடுதிக்குள் நுழைந்து அத்துமீறி நுழையும் சி.சி.டி.வி. காட்சிகள்  போலீசாரிடம் வழங்கப்பட்டுள்ளது.