குன்னூர் : பேரிக்காய் ஜாம் தயாரிக்கும் பணி தீவிரம்

நீலகிரி மாவட்டம் குன்னூர் சிம்ஸ் பூங்கா பழப்பண்ணையில் பேரிக்காய் ஜாம் தயாரிக்கும் பணி தீவிரமாக நடைபெற்று வருகிறது. குன்னுார் பகுதியில் தற்போது அதிகளவில் பேரிக்காய் காய்த்துள்ளது. இதனால் அதன் விற்பனை களை கட்டியுள்ளது. குன்னூர் பழப்பண்ணையில் விளைந்த பேரிக்காய்களின் தோலை சீவி எடுத்து ஜாம் தயாரிக்கும் பணியில் பெண் ஊழியர்கள் தீவிரமாக ஈடுபட்டுள்ளனர். அங்கு தயாரிக்கப்படும் ஜாம் தோட்டக்கலைத்துறைக்கு சொந்தமான விற்பனை நிலையங்களுக்கு அனுப்பி வைக்கப்படுவதாக தெரிவித்தனர்.