டாஸ்மாக் மேற்பார்வையாளரை தாக்கி ரூ. 2,57,000 கொள்ளை

திருப்பூரில் காரில் சென்ற டாஸ்மாக் கடை மேற்பார்வையாளரை அரிவாளால் தாக்கி 2 லட்சத்து 57 ஆயிரம் ரூபாய் கொள்ளையடிக்கப்பட்ட சம்பவம் பரபரப்பை ஏற்படுத்தியுள்ளது. நாதம்பாளையம்  டாஸ்மாக் கடை மேற்பார்வையாளராக பணிபுரிந்து வருவபவர் யுவராஜ். இவர் விற்பனை பணம் 2 லட்சத்து 57 ஆயிரம் ரூபாயை வங்கியில் செலுத்துவதற்காக காரில் சென்றுகொண்டிருந்தார். பூலுவபட்டி சிக்னல் அருகே சென்ற போது, இருசக்கர வாகனத்தில் வந்த மர்ம நபர்கள் யுவராஜை அரிவாளால் வெட்டி விட்டு பணத்தை கொள்ளையடித்து சென்றனர். கையில் காயம் அடைந்த யுவராஜ் சிகிச்சைக்காக தனியார் மருத்துவமனையில் அனுமதிக்கப்பட்டுள்ளார். இதுதொடர்பாக அனுப்பர்பாளையம் போலீசார் விசாரணை நடத்தி வருகின்றனர்.