உளுந்தூர்பேட்டை அருகே 7 குடிசை வீடுகள் எரிந்து சாம்பல்

விழுப்புரம் மாவட்டம் உளுந்தூர்பேட்டை அருகே உள்ள காந்தலவாடி கிராமத்தில் 300க்கும் மேற்பட்ட குடிசை வீடுகள் உள்ளன. இந்நிலையில் அங்கு ஏற்பட்ட திடீர் தீ விபத்தில் 7 குடிசை வீடுகள் தீயில் கருகி சாம்பலானது. இதையடுத்து, கிராம மக்கள் உடனடியாக வீடுகளில் இருந்த தண்ணீரை கொண்டு தீயை அணைக்க முயன்றனர். எனினும்கட்டுங்கடங்காத தீயை அணைக்க முடியாத நிலையில், தகவல் அறிந்து வந்த தீயணைப்பு துறையினர், போராடி தீயை அணைத்தனர். இந்த தீ விபத்தில் 10 லட்ச ரூபாய் மதிப்புள்ள பொருட்கள் எரிந்து சாம்பலானது.