என்னுடைய வெற்றிக்கு காரணம் தா​ழ்த்தப்பட்ட சமூக வாக்குகள் - பூண்டி கலைவாணன்

திருவாரூர் சட்டமன்றத் தொகுதியில் அதிகமான வாக்கு வித்தியாசத்தில்,  தாம் வெற்றி பெறுவதற்கு காரணம் தாழ்த்தப்பட்ட சமூதாய மக்கள், தி.மு.க. கூட்டணிக்கு அளித்த வாக்குகள் தான் என சட்டமன்ற உறுப்பினர் பூண்டி கலைவாணன் தெரிவித்துள்ளார். தொகுதி மக்களுக்கு நன்றி தெரிவித்து வரும் அவர் இன்று, திருவாரூர் சட்டமன்ற தொகுதி அலுவலகத்தை திறந்து வைத்து, மறைந்த தி.மு.க. தலைவர் கருணாநிதியின் உருவப்படத்திற்கு மாலை அணிவித்து மரியாதை செலுத்தினார். இதனைத் தொடர்ந்து, நடைபெற்ற கூட்டணிக் கட்சித் தொண்டர்களுக்கு நன்றி அறிவிக்கும் கூட்டத்தில் பேசிய அவ​ர், தாம் வெற்றி பெறுவதற்கு காரணமே சிறுபான்மை மற்றும் தாழ்த்தப்பட்ட  சமூதாய மக்கள் தான் என நெகிழ்ச்சியுடன்  குறிப்பிட்டார்.