வெயிலால் பாறை வெடித்து விரிசல்

திருத்தணியில் சுட்டெரிக்கும் வெயில் காரணமாக மலைப்பகுதியில் இருந்த பாறை ஒன்று வெடித்தது. தமிழகத்திலேயே திருத்தணியில் அதிகபட்ச வெப்ப நிலை பதிவாகி வருகிறது. இந்நிலையில், வனதுர்க்கையம்மன் கோயில் அருகே உள்ள மலைப்பகுதியில் குடியிருப்புகளுக்கு நடுவே இருந்த பாறை ஒன்று திடீரென வெடித்தது. அப்போது வீட்டில் ஓய்வு எடுத்துக் கொண்டிருந்த குழந்தைகள் முதல் முதியவர்கள் வரை அலறி அடித்துக் கொண்டு வீட்டிலிருந்து வெளியே வந்தனர். அப்போது பாறையில் விரிசல் ஏற்பட்டு புகை வந்ததாக அப்பகுதி மக்கள் தெரிவித்தனர். தகவல் அறிந்ததும் திருத்தணி வருவாய் கோட்டாட்சியர் பவணந்தி, தாசில்தார் செங்கலா ஆகியோர் சம்பவ இடத்திற்கு விரைந்து சென்று பார்வையிட்டனர்.