சேலம் ரயில் நிலைய காவல் நிலையத்தில் தமிழக ரயில்வே டிஐஜி பாலகிருஷ்ணன் நேரில் ஆய்வு

ரயிலில் நடைபெறும் குற்ற சம்பவங்களை தடுக்க தீவிர பாதுகாப்பு நடவடிக்கைகள் மேற்கொள்ளப்படுவதாக தமிழக  ரயில்வே டிஐஜி பாலகிருஷ்ணன் கூறினார். சேலம் ரயில் நிலைய காவல் நிலையத்தில் ஆய்வு மேற்கொண்டு,  நிலுவையில் உள்ள குற்ற வழக்குகளை விரைந்து முடிப்பது குறித்தும், ரயிலில் நடக்கும் குற்ற சம்பவங்களை தடுப்பது குறித்தும் அதிகாரிகளுக்கு ஆலோசனை  வழங்கினார். பின்னர்  செய்தியாளர்களிடம் பேசிய அவர்,  பயணிகளின் பாதுகாப்பை உறுதி செய்யும் வகையில் பல்வேறு நடவடிக்கைகளை மேற்கொண்டு வருவதாக கூறினார்.ரயில்களில் நடக்கும் குற்ற சம்பவங்கள் குறித்து பயணிகள் தைரியமாக ரயில்வே காவல் துறையினருக்கு தகவல் தெரிவிக்க வேண்டும் என்றும் பாலகிருஷ்ணன் கேட்டுக் கொண்டார்.