இடைத்தேர்தல் நடைபெறும் 4 சட்டப்பேரவை தொகுதிகளிலும் இன்று மாலையுடன் பிரசாரம் ஓய்கிறது

தமிழகத்தில் அரவக்குறிச்சி , சூலூர், திருப்பரங்குன்றம், ஒட்டப்பிடாரம் ஆகிய 4 சட்டப்பேரவை தொகுதிகளில் வரும் 19ந்தேதி இடைத்தேர்தல் நடைபெற உள்ளது . அன்று 13 வாக்குசாவடிகளில் மறுவாக்குப்பதிவும் நடைபெறுகிறது. இடைத்தேர்தலையொட்டி இறுதி கட்ட பிரசாரத்தில் அரசியல் கட்சியினர் தீவிரமாக ஈடுபட்டுள்ளனர். இன்று மாலை 6 மணியுடன் பிரசாரம் ஓய்கிறது. பிரசாரத்திற்காக வெளியூர்களில் இருந்த வந்தவர்கள் இன்று மாலை 6 மணிக்கு மேல் தொகுதியை விட்டு வெளியேற வேண்டும் என்று தேர்தல் ஆணையம் உத்தரவிட்டுள்ளது. திருமண மண்டபம், சமுதாயக்கூடம் , தங்கும் விடுதிகள் மற்றும் விருந்தினர் இல்லங்களில் வெளியாட்கள் தங்கியுள்ளனரா என்று கண்காணிக்கப்படும் என்று தேர்தல் ஆணையம் தெரிவித்துள்ளது.வேட்பாளர்களுக்கு வாகன பயன்பாடு உள்ளிட்ட பல கட்டுப்பாடுகள் விதிக்கப்படுள்ளதாகவும் தேர்தல் ஆணையம் தெரிவித்துள்ளது