ஈரோட்டில் சூறைக்காற்றுடன் சாரல் மழை - டீக்கடையின் மேற்கூரை சரிந்து ஒருவர் பலி

ஈரோடு அருகே டீக்கடை ஒன்றில், டீ குடித்துக் கொண்டிருந்த கூலி தொழிலாளி, மேற்கூரை சரிந்து விழுந்து உயிரிழந்தார். ஈரோடு மற்றும் அதன் சுற்று வட்டார பகுதிகளில் சூறைக்காற்றுடன் சாரல் மழை பெய்தது. கருங்கல்பாளையம் பழைய காவல்நிலையம் அருகே, பயங்கர சூறைக்காற்று வீசியதில் டீக்கடை ஒன்றில், அதன் மேற்கூரை சரிந்து விழுந்தது. இதில், அங்கு டீக்குடித்து கொண்டிருந்த ராமன் என்ற கூலித்தொழிலாளியின் தலை மீது மேற்கூரை விழுந்ததில், அவர் சம்பவ இடத்திலேயே பரிதாபமாக உயிரிழந்தார்.