காலில் விழுந்து வாக்கு சேகரித்த அதிமுக வேட்பாளர் செந்தில்நாதன்

அரவக்குறிச்சி சட்டமன்ற தொகுதி இடைத்தேர்தலில் போட்டியிடும் அதிமுக வேட்பாளர் செந்தில்நாதன்,  வாக்காளர்களின் காலில் விழுந்து வாக்கு சேகரித்தார். பரப்புதுரை, வாவிகினம், குண்டலப்பட்டி, நாகனூர், நந்தனூர் உள்ளிட்ட 72 கிராமங்களில், அவர் பிரசாரம்  செய்தார். அப்போது, உயர் கல்வித்துறை அமைச்சர் கே.பி.அன்பழகன், மற்றும் கூட்டணி கட்சி நிர்வாகிகள் உடனிருந்தனர். அப்போது வாக்காளர்களிடம் பேசிய அதிமுக வேட்பாளர் செந்தில் நாதன், நீங்கள் கூப்பிட்ட குரலுக்கு ஓடி வருவேன் என கூறி, முதியவர்கள், பெண்கள் என அனைவரது காலிலும் விழுந்து வாக்கு சேகரித்தார்.