கட்டிட மேஸ்திரி அடித்து கொலை - முன்விரோதம் காரணமாக கொலை என தகவல்
பண்டிதப்பட்டு கிராமத்தில் கட்டிட மேஸ்திரி ஒருவர் அடித்து கொலை செய்த நபரை போலீசார் தேடி வருகின்றனர்.
கட்டிட மேஸ்திரியாக பணியாற்றி வந்த ராஜா நேற்றிரவு, தமது விவசாய நிலத்திற்கு சென்றார். அப்போது, மர்மநபர்கள் சிலர், அடித்து கொலை செய்ததாக கூறப்படுகிறது. இச்சம்பவம் குறித்து வழக்கு பதிவு செய்த, திருவண்ணாமலை போலீசார், கொலை செய்து விட்டு தலைமறைவான நபர்களை தேடி வருகின்றனர்.மேஸ்திரி ராஜாவுக்கும் அவரது உறவினர்களுக்கும் ஏற்கனவே மோதல் நிகழ்ந்ததாகவும், இதன் காரணமாக அவர் கொலை செய்யப்பட்டிருப்பதாக முதல் கட்ட விசாரணையில் தெரிய வந்துள்ளது.