ஒற்றை ஆளாக களமிறங்கிய அமமுக வேட்பாளர் - வீடுவீடாக வாக்கு சேகரித்த தங்கவேலுக்கு வரவேற்பு

கரூர் நாடாளுமன்ற தொகுதி அமமுக வேட்பாளர், தன்னந்தனியாக சென்று வாக்கு சேகரித்த சம்பவம் பலரது கவனத்தையும்திருப்பியுள்ளது.அமமுகவுக்கு இன்னும் சின்னம் அறிவிக்கப்படாத நிலையில்,அக்கட்சி வேட்பாளர்கள் பலர் தேர்தல் பிரசாரத்தில் ஈடுபடவில்லை.இதனிடையே, கரூரில் போட்டியிடும் அமமுக வேட்பாளர் தங்கவேல், திருமாநிலையூர் பகுதியில் உள்ள கோயிலில் சாமி தரிசனம் செய்தார். அதைத் தொடர்ந்து வெளியில் வந்த அவர், வீதியில் ஒற்றை ஆளாக எவ்வித விளம்பரமும், ஆடம்பரமும் இன்றி நடந்து சென்று, வீடுகளில் வாக்கு சேகரித்தார்.வாகனங்களில் வந்த பெண்கள் உள்ளிட்ட பொது மக்கள், சந்தை பகுதி வியாபாரிகள் என வழக்கத்துக்கு மாறாக தனி ஆளாக சென்று எம்.பி. வேட்பாளர் வாக்கு சேகரித்தது பலரது கவனத்தையும் திருப்பியுள்ளது.