தேர்தல் பறக்கும் படை அதிரடி : ஆத்தூரில் 3 கிலோ தங்கம் பறிமுதல்

சேலம் மாவட்டம் ஆத்தூர் நரசிங்கபுரம் கூட்ரோடு பகுதியில் தேர்தல் பறக்கும் படை அலுவலர்கள் வாகன சோதனையில் ஈடுபட்டிருந்தனர். அப்போது அந்த வழியாக வந்த வேனில் இருந்த பெட்டிகளில் 3 கிலோ தங்கம் மற்றும் 7 கிலோ வெள்ளி இருப்பது தெரியவந்தது. ஆவணங்களை பரிசோதித்ததில் சந்தேகம் அடைந்த தனிப்படையினர் அவற்றை பறிமுதல் செய்தனர். பின்னர், அவற்றை ஆத்தூர் தேர்தல் நடத்தும் அலுவலர் அபுல் காசிமிடம் ஒப்படைத்தனர். இதையடுத்து நகைகள், வருமான வரித்துறையிடம் ஒப்படைக்கப்பட்டது. பிடிபட்ட நகைகளின் மதிப்பு 1 கோடியே 24 லட்சம் ஆகும்.