நாளை அதிமுகவினர் வேட்புமனுத்தாக்கல்

மக்களவை மற்றும் சட்டமன்ற இடைத்தேர்தலுக்காக, அதிமுக சார்பில் அறிவிக்கப்பட்டுள்ள வேட்பாளர்கள் நாளை வேட்புமனு தாக்கல் செய்கின்றனர். தமிழகத்தில் தேர்தல் களம் சூடு பிடித்துள்ள நிலையில்,வேட்பாளர்கள் பலர் வேட்பு மனுக்களை தாக்கல் செய்து வருகின்றனர். இந்நிலையில் நாளை வெள்ளிக்கிழமை,  மக்களவை மற்றும் சட்டமன்ற தேர்தலுக்காக, அதிமுக வேட்பாளர்கள் அந்தந்த தேர்தல் அலுவலகத்தில் வேட்புமனுவை தாக்கல் செய்ய உள்ளனர். காலை பதினொன்று முப்பது முதல் 12 மணிக்குள் அவர்கள் மனுத்தாக்கல் செய்ய உள்ளனர். வேட்புமனுத்தாக்கல் செய்ய, வரும் 26ஆம் தேதி செவ்வாய்கிழமை கடைசி நாள் ஆகும். மேலும், சனிக்கிழமை மற்றும், ஞாயிற்றுக்கிழமை விடுமுறை என்பதால், பாமக வேட்பாளர்களும் நாளை வேட்புமனுத்தாக்கல் செய்யலாம் என எதிர்ப்பார்க்கப்படுகிறது.