ஷேர் ஆட்டோவில் சென்ற நபரிடம் செயின் பறிப்பு : தப்பி ஓடிய இளைஞரை மடக்கிப்பிடித்த மக்கள்

நாகையில் ஷேர் ஆட்டோவில் சென்ற நபரிடம் இருந்து செயினை பறித்துச் சென்ற இளைஞரை பொதுமக்கள் மடக்கிப் பிடித்தனர். நாகூரில் இருந்து சென்ற ஷேர் ஆட்டோவில் பாலசூரியன் சென்றுள்ளார். அப்போது அதே ஆட்டோவில் இருந்த இளைஞர் ஒருவர் திடீரென பாலசூரியனின் செயினை பறித்துக் கொண்டு கீழே குதித்துள்ளார். இதையடுத்து தப்பிச் செல்ல முயன்ற அந்த இளைஞரை பொதுமக்கள் மடக்கிப் பிடித்து போலீசாரிடம் ஒப்படைத்தனர். விசாரணையில் அவர், கார்த்திகேயன் என்பது தெரியவந்தது. செயினை பறிமுதல் செய்த போலீசார் அவரிடம் தொடர்ந்து விசாரணை நடத்தி வருகின்றனர்.