20க்கும் மேற்பட்டோரை கடித்து குதறிய குரங்கு

நாகை மாவட்டம், சீர்காழி அருகே குரங்குக்கு பயந்து, கிராம மக்கள் தங்களது வீட்டை காலி செய்துள்ளனர். தென்னலக்குடி கன்னிகோவில் தெருவில் கடந்த ஒரு மாதமாக சுற்றித்திரியும், குரங்கு ஒன்று 20 க்கும் மேற்பட்டோரை கடித்து குதறி உள்ளது. இதனால், அச்சமடைந்த கிராம மக்கள் தங்கள் வீடுகளை காலி செய்தனர். தென்னலக்குடி கன்னிகோவில் தெருவில் 100 க்கும் மேற்பட்ட குடும்பத்தினர் வசித்து வருகின்றனர். இங்கு கடந்த ஒரு மாதமாக சுற்றி திரியும் ஒற்றை குரங்கு  காண்போரை எல்லாம் கடித்து குதறியுள்ளது. 10 க்கும் மேற்பட்ட ஆடு, நாய் போன்ற கால்நடைகளையும்  கடித்து குதறி உள்ளது.  குரங்கை பிடிக்க வேண்டும் என, பலமுறை வனத்துறைக்கு கிராம மக்கள் புகார் அளித்தனர். ஆனால் புகார் மீது நடவடிக்கை எடுக்கப்படாததால், கிராம மக்கள் வீடுகளை விட்டு வெளியேறினர். விரைவாக குரங்கை பிடிக்க வேண்டும் என்றும் கிராம மக்கள் கோரிக்கை விடுத்துள்ளனர்.