சென்னை மெரினா கடலில் மூழ்கிய 3 மாணவர்கள் மாயம்

சென்னையில், 3 மாணவர்கள் கடலில் மூழ்கி மாயமாகினர். தாம்பரம் சேலையூர் நகராட்சி  பள்ளியில் 9ம் வகுப்பு படிக்கும் மாணவர்கள் 15 பேர், பள்ளிக்கு செல்வதாக கூறி விட்டு மெரினா  கடலில் குளிக்க சென்றுள்ளனர். கடலில் குளித்து கொண்டிருந்தபோது  தாம்பரத்தை சேர்ந்த வினோத், சதீஷ் குமார் மற்றும் கிண்டியை சேர்ந்த  செந்தில் குமார் ஆகிய 3 பேர் கடலுக்குள் மாயமாகினர். இது குறித்து தகவல் அறிந்த மெரினா போலீசார், கடலில் மூழ்கிய 3 மாணவர்களையும் தேடி வருகின்றனர்.