தனியார் பேருந்து - பைக் வாகனம் மோதி விபத்து

சென்னை வேலப்பன்சாவடி அருகே தனியார் கல்லூரி பேருந்தில், இரு சக்கர வாகனம் மோதிய விபத்தில் சினிமா துணை நடிகர் சார்லஸ் டேவி என்பவர் பலியானார். அயனாவரத்தை சேர்ந்த, சார்லஸ் டேவி, தமது நண்பர் சையத்குபுதீன் என்பவருடன், திருவேற்காடு நோக்கி சென்று கொண்டிருந்த போது இந்த விபத்து நிகழ்ந்தது. இது குறித்து தகவலறிந்த போலீசார், இறந்தவர் உடலை மீட்டு பிரேத பரிசோதனைக்கு அனுப்பி வைத்தனர். மேலும், விபத்துக்கு காரணமான பேருந்து ஓட்டுனர் பூபாலனை கைது செய்தனர். குறிப்பாக வானகரம், பள்ளிக்குப்பம், வேலப்பன்சாவடி, சென்னீர்குப்பம், பாரிவாக்கம் ஆகிய பகுதிகளில் சாலைகள், மோசமாக இருப்பதாகவும், இதனால், அவ்வப்போது, விபத்து நிகழ்வதாக பொதுமக்கள் புகார் தெரிவித்துள்ளனர்.