ஐஜி முருகன் மீதான பாலியல் புகார்

லஞ்ச ஒழிப்புத்துறை ஐஜி முருகன் மீது பெண் எஸ்.பி. அளித்த பாலியல் புகாரை சிபிசிஐடி விசாரிக்க விதித்திருந்த தடையை சென்னை உயர் நீதிமன்றம் நீக்கியுள்ளது. பாதிக்கப்பட்ட பெண் எஸ்.பி. அளித்த புகாரின் அடிப்படையில், விசாரித்த விசாகா கமிட்டி, வழக்கை சிபிசிஐடி விசாரிக்க பரிந்துரைத்தது. ஆனால், சிபிசிஐடி விசாரிக்க தடைகோரி ஐஜி முருகன் மனுதாக்கல் செய்திருந்தார். அதேபோல், ஐஜி  முருகனை இடமாற்றம் செய்யுமாறு பெண் எஸ்பியும் மனுதாக்கல் செய்தார். வழக்கை இன்று விசாரித்த நீதிபதிகள் வினீத் கோத்தாரி, அனிதா சுமந்த் அமர்வு, சிபிசிஐடி விசாரணைக்கான தடையை நீக்கியது. அதோடு, வழக்கை தனி நீதிபதிக்கு மாற்றிய அமர்வு, அந்த நீதிபதி யார் என்பதை தலைமை நீதிபதி அறிவிப்பார் என்றும் கூறியுள்ளது.