'கருக்கலைப்பு' மருத்துவரை காட்டிக் கொடுத்த காதல்ஜோடி

ராம்ராஜால் தான் மூன்றுமுறை கர்ப்பமானதாகவும், போளூரில் உள்ள தனியார் மருத்துவமனை ஒன்றில் கருக்கலைப்பு செய்ததாகவும் அந்தப் பெண் சொல்ல, நீதிபதி விசாரணையை தீவிரப்படுத்தினார். முதன்மை நீதிபதி மகிழேந்தி உள்ளிட்ட 5 நீதிபதிகள் போளுரில் உள்ள சுகந்தி என்பவருக்கு சொந்தமான மருத்துவமனைக்கு திடீரென சென்று ஆய்வு மேற்கொண்டனர். அப்போது அங்கு உரிய உபகரணங்கள் இல்லாமல் இருந்ததையும்,  முறையாக மருத்துவம் படிக்காதவர்கள் ஊழியர்களாக பணிபுரிந்து வந்ததையும் கண்டுபிடித்த நீதிபதிகள், மருத்துவர் சுகந்தியை போலீசில் ஒப்படைத்தனர். இதையடுத்து போளூர் காவல்நிலையத்தில், போலீசார் விசாரணை நடத்திக் கொண்டிருந்த போதே சுகந்தி மயங்கி விழுந்தார். 

மருத்துவமனையில் அனுமதிக்கப்பட்டு பின்னர் மீண்டும் அவரிடம் விசாரணை நடைபெற்றது. இதனிடையே, கருக்கலைப்பு செய்ததற்கான எந்தவித ஆதாரமும் இன்றி, மருத்துவர் சுகந்தி கைது செய்யப்பட்டுள்ளதாக இந்திய மருத்துவ சங்கம் குற்றம் சாட்டியுள்ளது.