"விளையாட்டில் பெண்களின் பங்கு குறைவாக உள்ளது" - ஜக்கிவாசுதேவ் தகவல்
தமிழகத்தில் அனைத்து மாவட்ட தலைநகரங்களிலும் விளையாட்டு பயிற்சி மையங்கள் அமைக்க திட்டம் தயாரிக்கப்பட்டு வருவதாக ஈஷா அறக்கட்டளை நிறுவனர் ஜக்கிவாசுதேவ் தெரிவித்துள்ளார்.
ஈரோடு டெக்வேலியில் ஈஷா கிராம புத்துணர்வு இயக்கம் சார்பில் ஈஷா கிராமோத்சவ விளையாட்டு போட்டிகளின் இறுதி போட்டி நடைபெற்றது. பின்னர் செய்தியாளர்களை சந்தித்த ஜக்கி வாசுதேவ், தமிழகத்தில் அனைத்து மாவட்ட தலைநகரங்களிலும் விளையாட்டு பயிற்சி மையங்கள் அமைக்க திட்டம் தயாரிக்கப்பட்டு வருவதாகவும், அந்த திட்ட அறிக்கை 2 மாதத்தில் தமிழக அரசிடம் வழங்கப்பட உள்ளதாகவும் தெரிவித்தார். தமிழகத்தில் விளையாட்டில் பெண்களின் பங்கு குறைவாக உள்ளதாகவும் ஜக்கிவாசுதேவ் கூறினார்.