கஜா புயலால் உருக்குலைந்த பள்ளிகளை சீரமைக்க புறப்பட்ட மாணவர் படை...

கஜா புயலால் நாகையே உருக்குலைந்த நிலையில், அங்குள்ள பள்ளிகளை சீரமைப்பதற்காக, மயிலாடுதுறையில் இருந்து 200 மாணவர்கள் புறப்பட்டுள்ளனர். தமிழக பள்ளிக்கல்வித்துறை சார்பில் அனுப்பப்பட்டுள்ள இந்த குழுவில், 6 பள்ளிகளைச் சேர்ந்த, 200 என்.எஸ்.எஸ். மாணவர்கள் உள்ளனர். நாகையில், இரண்டு நாட்கள் தங்கும் இவர்கள் அங்குள்ள பள்ளிக் கட்டடங்களை சீரமைக்கவுள்ளனர். மயிலாடுதுறையில் இருந்து புறப்பட்ட இந்த மாணவர் குழுவை நாகை மாவட்ட கல்வி அலுவலர் குமரன் வழியனுப்பி வைத்தார்.