வீட்டின் வெளியே இருந்த 2 சக்கர வாகனம் திருட்டு

திருவள்ளூர் மாவட்டம்  பொன்னேரி எம்.ஜி.ஆர் நகரை சேர்ந்த மின்வாரிய ஊழியர் ராஜரத்தினம், நேற்றிரவு இருசக்கர வாகனத்தை வீட்டின் வெளியே நிறுத்திவிட்டு சென்றுள்ளார். இன்று காலை வெளியே வந்த போது வாகனம் மாயமானது கண்டு அதிர்ச்சியடைந்த அவர், காவல் நிலையத்தில் புகார் அளித்துள்ளார். இதனையடுத்து போலீசார் அந்த பகுதியில் இருந்த சி.சி.டி.வி.யை ஆய்வு செய்த போது, ஒன்றுக்கும் மேற்பட்ட வண்டிகளை கள்ளச்சாவி போட்டு திறக்க முயன்று, இறுதியில் ஒரு இரு சக்கர வாகனத்தை மர்மநபர் ஒருவர் எடுத்துச் செல்லும் காட்சிகள் பதிவாகி உள்ளது. கண்காணிப்பு கேமராவில் பதிவான காட்சிகள் உதவியுடன் அந்த மர்ம நபரை போலீசார் தேடி வருகின்றனர்.