மதுரை சிறையில் செல்போன் பறிமுதல் : 3 கைதிகள் மீது வழக்குப்பதிவு

மதுரை மத்திய சிறையில், கைதிகளிடம் இருந்து செல்போன் பறிமுதல் செய்யப்பட்டது.  துணை சிறை அலுவலர் இளங்கோ தலைமையில் 10 அதிகாரிகள் கொண்ட குழு அதிரடி சோதனை நடத்தியபோது, சிறையின் கழிவறை கோப்பையில் செல்போன் சிக்கியது. இதையடுத்து, செல்போன் மற்றும் 2 பேட்டரிகளை அதிகாரிகள் பறிமுதல் செய்தனர். அந்த அறையில் உள்ள கைதிகள் அழகிரி,பார்த்திபன், கட்டை பிரபு ஆகிய 3 பேர் மீதும் காவல் நிலையத்தில் வழக்குப்பதிவு செய்யப்பட்டுள்ளது.