சென்னையில் குடிபோதையில் ஆட்டோ திருடிய 2 பேர் சிக்கினர்

திருடிய ஆட்டோவில் மது போதையில் தூங்கிய  ஆட்டோ கொள்ளையர்கள் 2 பேர் ரோந்து பணியின் போது போலீசாரிடம் சிக்கியுள்ளனர். சென்னை திருவொற்றியூர்  அஞ்சுகம் நகரில் நேற்று இரவு வீட்டு வாசலில் நிறுத்தி வைத்திருந்த அய்யப்பன் என்பவர் ஆட்டோவை 2 பேர் திருடிச் சென்றுள்ளனர். அய்யப்பன் புகாரின் பேரில் போலீசார் ஆட்டோவை தேடி வந்துள்ளனர். இந்நிலையில், திருவொற்றியூர் மாட்டு மந்தை மேம்பாலம் அருகே நின்ற ஒரு ஆட்டோவில் போதையில்  2 பேர் உறங்கிக் கொண்டிருந்துள்ளனர். அவர்களிடம் நடத்திய விசாரணையில் தண்டையார்பேட்டை சேர்ந்த ஆனந்தபாபு மற்றும் எண்ணூர் சுனாமி குடியிருப்பை சேர்ந்த சுரேஷ் என்று தெரியவந்தது. குடிபோதையில் ஆட்டோவை எடுத்து வந்த அவர்கள் அதிலே படுத்து தூங்கியது விசாரணையில் தெரியவந்தது. இதனை தொடர்ந்து அவர்களிடம் போலீசார் தொடர்ந்து விசாரணை நடத்தி வருகின்றனர்.