காட்டுக்குள் விரட்டும் போது, திடீரென மயங்கி விழுந்த யானை

ஈரோடு மாவட்டம் சத்தியமங்கலத்தை அடுத்த கடம்பூர் மலைப்பகுதியில், மூதாட்டியை தாக்கிய ஒற்றை யானையை காட்டுக்குள் விரட்டும் போது, திடீரென அது மயங்கி விழுந்ததால் பரபரப்பு ஏற்பட்டது. சிறிது நேரம், மயக்கமாக விழுந்து கிடந்த அந்த யானை, பின்னர் தானாகவே எழுந்து வனப்பகுதிக்குள் சென்றது. இதற்கிடையே, யானை தாக்கியதில், காயம் அடைந்த மூதாட்டி குருநாதம்மாள், சத்தியமங்கலம் அரசு மருத்துவமனையில் சிகிச்சை பெற்று வருகிறார்.