குடும்பத்தை கேவலமாக திட்டியதால்-13வயது சிறுவன் கழுத்தை நெறித்துக் கொலை-வெளியான திடுக்கிடும் தகவல்கள்

சிதம்பரம் அருகே பேட்டை கிராமத்தில் பாட்டி வீட்டிற்கு வந்த 13 வயது சிறுவன், கடந்த 20 தேதி காணாமல் போனான். மறுநாள் பேட்டை கிராமத்தில் உள்ள கோவில் பின்புறத்தில் உள்ள குளத்தில், சிறுவன் சடலமாக மீட்கப்பட்டான். சிறுவனின் இறப்பில் மர்மம் இருப்பதை அறிந்த போலீசார், அதுதொடர்பாக விசாரணை நடத்தியதில், அதே கிராமத்தை சேர்ந்த ராகுல் என்ற கல்லூரி மாணவன் மீது சந்தேகம் எழுந்தது. பின்னர் ராகுலை பிடித்து போலீசார் விசாரணை நடத்தியபோது, பல திடுக்கிடும் தகவல்கள் வெளிவந்தன. கடந்த 2 மாதத்திற்கு முன்பு, பரஸ்பரமாக இருவரும் அவரவர் குடும்பத்தினரை மாறி மாறி திட்டியுள்ளனர். இதனால் ஆத்திரமடைந்த ராகுல், கோயில் திருவிழாவிற்காக மீண்டும் பாட்டி வீட்டுக்கு வந்த சிறுவனை, சுவாமி ஊர்வலத்தின்போது பின்தொடர்ந்து சென்று, கழுத்தை நெறித்துக் கொன்று குளத்தில் வீசியது போலீசாருக்கு அதிர்ச்சியை ஏற்படுத்தியது.