சர்வதேச வில்வித்தை போட்டிக்கு கல்லூரி மாணவி தேர்வு..முதலமைச்சரிடம் வைத்த கோரிக்கை | CM Stalin

சர்வதேச வில்வித்தை போட்டிக்கு தேர்வாகியுள்ள திருவாரூரை சேர்ந்த கல்லூரி மாணவி, வில் அம்புகள் வழங்ககோரி முதலமைச்சர் ஸ்டாலினுக்கு கோரிக்கை விடுத்துள்ளார். திருத்துறைப்பூண்டி அருகே சாத்தங்குடி கிராமத்தைச் சேர்ந்த அஜிஷா என்பவர், கடந்த நான்கு ஆண்டுகளாக வில்வித்தை கற்று வருகிறார். மாவட்ட, மாநில அளவில் பல்வேறு போட்டிகளில் பங்கேற்று வெற்றி பெற்ற அஜிஷா, அடுத்த ஆண்டு இந்தோனேசியாவில் நடைபெற உள்ள சர்வதேச வில்வித்தை போட்டிக்கு தேர்வு செய்யப்பட்டுள்ளார். பொருளாதாரத்தில் பின்தங்கிய நிலையில் இருப்பதால், வில் அம்புகள் வாங்க வசதி இல்லை எனவும், இதனால், தீவிர பயிற்சி மேற்கொள்ள சிரமப்படுவதாகவும் அஜிஷா குறிப்பிட்டுள்ளார்.