பிரெஞ்சு ஓபன் டென்னிஸ் தொடர் : செக். வீராங்கனை கிரெஜ்சிகோவா வெற்றி.. அனல் பறந்த அரையிறுதி ஆட்டம்...

பிரெஞ்சு ஓபன் கிராண்ட்ஸ்லாம் டென்னிஸ் தொடரின் மகளிர் பிரிவு இறுதிப்போட்டிக்கு செக் குடியரசு வீராங்கனை கிரெஜ்சிகோவா தகுதி பெற்று உள்ளார். பாரிஸில் நேற்று நடந்த அரையிறுதி ஆட்டத்தில் கிரீஸ் வீராங்கனை மரியா சக்காரியும், கிரெஜ்சிகோவாவும் மோதினர். இதில் 7-க்கு 5 என முதல் செட்டை கிரெஜ்சிகோவா வென்றார். அடுத்த செட்டை 6-க்கு 4 என சக்காரி கைப்பற்ற ஆட்டம் விறுவிறுப்பானது. வெற்றியை தீர்மானிக்கும் 3-வது செட்டில், இருவரும் அனல் பறக்கும் ஆட்டத்தை வெளிப்படுத்திய நிலையில், 9-க்கு 7 என இறுதி செட்டை கைப்பற்றி, கிரெஜ்சிகோவா அரையிறுதியில் வென்றார். இதன்மூலம், கிராண்ட்ஸ்லாம் டென்னிஸ் தொடர்களில், முதல் முறையாக, இறுதிப் போட்டிக்கு அவர் தகுதி பெற்றார்.