"ஐ.எஸ்.எல். கால்பந்து - அரையிறுதி சுற்று : கோவா அணியை பந்தாடியது சென்னை"

ஐ.எஸ்.எல். கால்பந்து தொடர் அரையிறுதியின் முதல் சுற்று போட்டியில் கோவா அணியை சென்னை அணி பந்தாடியது. சென்னை ஜவஹர்லால் நேரு மைதானத்தில் நடைபெற்ற இந்த போட்டியில் பலம் வாய்ந்த கோவா அணியை சென்னை அணி எதிர்கொண்டது. போட்டி முழுவதும் ஆதிக்கம் செலுத்திய சென்னை வீரர்கள், கோவா அணியை கதி  கலங்க வைத்தனர். சென்னை வீரர்கள் 4 கோல்கள் அடிக்க, கோவா அணியால் ஒரு கோல் மட்டுமே அடிக்க முடிந்தது. கோவா அணியைவிட 3 கோல்கள் அதிகம் பெற்றுள்ளதால்  இறுதிச் சுற்றுக்கு சென்னை அணி முன்னேறும் வாய்ப்பு பிரகாசமாகி உள்ளது. இந்த இரண்டு அணிகளுக்கான அரையிறுதியின் 2வது சுற்று போட்டி வரும் 7ஆம் தேதி கோவாவில் நடைபெறுகிறது.