விளையாட்டு வீரர்களுக்கான தேசிய விளையாட்டு விருதுகள் இன்று வழங்கப்படுகிறது

விளையாட்டு வீரர்களுக்கான மத்திய அரசு விருது இன்று வழங்கப்பட உள்ளது. குடியரசுத்தலைவர் மாளிகையில் நடைபெறும் விழாவில், குடியரசுத்தலைவர் ராம்நாத் கோவிந்த் இதனை வழங்க உள்ளார். விளையாட்டுதுறையில் சிறந்து விளங்கும் வீரர்களுக்கு அர்ஜூனா, ராஜீவ் காந்தி கேல் ரத்னா, தயான்சந்த் மற்றும் துரோணாச்சாரியா விருதுகள் ஆண்டுதோறும் வழங்கப்படுகின்றன. அதன்படி, இந்த ஆண்டு, தமிழகத்தை சேர்ந்த பாடி பில்டிங் வீரர் பாஸ்கரன், கிரிக்கெட் வீரர் ஜடேஜா உள்பட 19 பேர் அர்ஜூனா விருதுக்கும், பாரா விளையாட்டு வீராங்கனை தீபா மாலிக், மல்யுத்த வீரர் பஜ்ரங் புனியா கேல் ரத்னா விருதுக்கும் தேர்வு செய்யப்பட்டுள்ளனர். இதேபோல் துரோணாச்சார்யா, தயான்சந்த் விருதுகளுக்கு தேர்வு செய்யப்பட்டவர்களுக்கும் இன்று விருது வழங்கப்பட உள்ளது.